डाक्टर पढ्न चीन गएका विद्यार्थी चीनमा अलपत्र, कन्सल्टेन्सीले करोडौं ठग्यो

काठमाडौं, मंसिर २३, चीनका विभिन्न विश्वविद्यालयमा एमबिबिएस तथा एमडी पढ्न गएका ७९ नेपाली विद्यार्थी अलपत्र परेका छन् ।चीनको साउदर्न विश्वविद्यालयमा एमबिबिएस गर्न गएका ८, लाउनिङ विश्वविद्यालयमा एमडी गर्न गएका १७, चाउचाङ विश्वविद्यालयमा एमबिबिएस गर्न गएका ६ र एमडी गर्न गएका ८, जिङ्दाओ विश्वविद्यालयमा एमबिबिएस गर्न गएका ११, र तेनजिन विश्वविद्यालयमा एमबिबिएस गर्न गएका २ र एमडी गर्न गएका २७ जना विद्यार्थी अलपत्र परेका हुन् ।मदरल्याण्ड च्यारिटेबल फाउण्डेसनका सञ्चालकहरूले विश्वविद्यालयहरूमा विद्यार्थीका तर्फबाट बुझाउनुपर्ने शुल्क नबुझाएका कारण उनीहरु अलपत्र परेको तिनका अभिभावकहरूले बताएका छन् ।

भिडियो हेर्न को लागि यहाँ क्लिक गर्नुहोला
Click Here For Video

शनिबार राजधानीमा आयोजित पत्रकार सम्मेलनमान पीडित विद्यार्थीका अभिभावक पुरुषोत्तम ढुङ्गेलले मदरल्याण्ड च्यारिटेवल फाउन्डेसनका सञ्चालकहरू क्रमशः डा मुकेश झा, इन्जिनियर डा राधा झा तथा प्रविण पहरीले अध्ययन शुल्क समयमा नै भुक्तान नगरेका कारण विद्यार्थीलाई विश्वविद्यालयहरूले फिर्ता पठाउन लागेको बताए ।पीडित अभिभावकहरूले फाउन्डेसनमार्फत् एमबिबिएस अध्ययन गर्न जनही १२ लाख र एमडीका लागि जनही सात लाख ५० हजार भुक्तान गरेका थिए । करिब चार करोड ५० लाख असुल गरेका सञ्चालकत्रयले पहिलो चरणको रकम विश्वविद्यालयलाई बुझाए पनि दोस्रो र तेस्रो चरणको किस्ता नबुझाइदिएकै कारण आˆनो छोरा अलपत्र अवस्थामा परेको अभिभावक अर्जुनकुमार थापाले बताए ।सञ्चालक त्रयलाई पक्राउ गरी कानुनी कारबाही गर्न पीडित अभिभावकले महानगरीय प्रहरी परिसर काठमाडौँमा उजुरी दिएको लामो समय भइसक्दा पनि प्रहरीले चासो नदेखाएको पीडित अभिभावक ताराकुमारी राईले बताउनुभयो । काठमाडौँ महानगरपालिका वडा नं २१ घर भएका अनिता शाक्य र प्रविना खोखालीले विसं २०६७ साल भदौ २ गते कम्पनी रजिस्ट्रारको कार्यालयमा मदरल्याण्ड च्यारिटेबल फाउन्डेसन दर्ता गरेका थिए । रासस