स्थापितलाई काठमाडौं उपत्यका विकास प्राधिकरणका आयुक्तबाट पदमुक्त

काठमाडौं,माघ ५ । सरकारले काठमाडौं उपत्यका विकास प्राधिकरणका आयुक्तबाट केशब स्थापितलाई हटाएको छ । विहिवार बसेको मन्त्रिपरिषद् बैठकले आयुक्त स्थापितलाई हटाउने निर्णय गरेको हो । उहाँको ठाउँमा मन्त्रिपरषद्ले योगेश्वरकृष्ण पराजुलीलाई पाँच वर्षका लागि आयुक्तमा नियुक्त गरेको छ । स्थापित गत बैशाखमा प्रधानमन्त्री डाक्टर बाबुराम भट्टराईको विशेष पहलमा आयुक्तमा नियुक्त हुनुभएको थियो । स्थापितको कामको मुल्याङकन गर्न गठित प्रधानमन्त्री तथा मन्त्रीपरिषदको कार्यालयका सचिव कृष्णहरि बास्कोटा नेतृत्वको समितिले बुझाएको प्रतिवेदनको सिफारिसको आधारमा स्थापितलाई सरकारले हटाएको हो । समितिले नौ महिनासम्म आयुक्तको रुपमा स्थापितको काम सन्तोषजनक नरहेको प्रतिवेदनमा उल्लेख छ । प्रधानमन्त्री भट्टराईले स्थापितको कामप्रति असन्तुष्टि जनाउदै पटक पटक मौखिक रुपमा राजिनामा माग्नु भएको थियो । तर स्थापितले आफुले राजीनामा नदिने अडान राख्दै आउनु भएको थियो ।