पटक-पटक फेरिरहने नेताहरुको बोली र अन्यौलको राजनीति !!

प्रधानन्यायाधीशको नेतृत्वमा चुनावी सरकार गठन गर्ने बिषयमा छलफलका लागि बसेको चार दलको बैठक सकिएको छ । बैठक ले प्रधानन्यायाधीश खिलराज रेग्मी को नेतृत्वमा चुनावी सरकार गठन गर्ने बाधा अड्काउ फुकाउ प्रक्रिया अघि बढाउने निर्णय गरेको छ ।
बैठक ले चार दलका ८ सदस्य रहेको कार्यदललाई बाधा अड्काउ फुकाउ सम्बन्धी प्रस्ताव पेश गर्न २ दिनको समय दिएको छ । बुधबार बस्ने चार दलको बैठक मा प्रधानन्यायाधीशको नेतृत्वमा सरकार गठनका लागि बाधा अड्काउ फुकाउ सम्बन्धी प्रस्ताव पेश गर्न कार्यदललाई जिम्मा दिइएको बैठक मा सहभागी कांग्रेस उपसभापति रामचन्द्र पौडेललले जानकारी दिए ।
कार्यदलले तयार पारेको प्रस्तावको आधारमा सरकार निर्माण प्रक्रिया र अन्य प्रक्रियामा कदम चालिने पौडेलले जानकारी दिए । चार दलको बैठक सेना समायोजन बिशेष समितिको सचिवालय बानेश्वरमा बसेको थियो ।
आज बिहान चार दलका शिर्ष नेतासागको भेटमा प्रधानन्यायाधीश रेग्मीले चुनावी सरकारको नेतृत्व गर्ने आशय व्यक्त गरेपछि चार दलले यस्तो निर्णय गरेको हो ।
चार दलको बैठक ले सर्वोच्च अदालतले आज जारी गरेको बिज्ञप्तीको पनि स्वागत गरेको छ । सर्वोच्च अदालतले जारी गरेको बिज्ञप्तीमा राष्ट्रिय राजनीतिको जटिलता अन्त्य गर्न प्रधानन्यायाधीश रेग्मी चुनावी सरकारको नेतृत्व गर्न सकारात्मक रहेको इंकित गरिएको छ ।

भिडियो हेर्न को लागि यहाँ क्लिक गर्नुहोला
Click Here For Video