फोहोर फाल्न गएका चालक र सहचालकले भापड खाए

काठमाडौँ, साउन १६ । काठमाडौ महानगरपालिकाबाट फोहोर बोकेर सिसडोल पुगेको गाडीलाई स्थानीय बासिन्दाले रोकेका छन् ।  फोहोर फाल्न सिसडोल पुगेको गाडीका चालक तथा सहचालकलाई स्थानीय बासीले झापट हानेका छन् । फोहोर फाल्न सिसडोल पुगेको नगरपलिकाको गाडीका चालक र स्थानीयबिच विवाद भएपछि गाडीका चालक सुरेन्द्र चित्रकार र सहचालक माईला बस्नेतलाई स्थानीय बासिन्दाले कुटपटि गरेका हुन । कुटपिटबाट घाईते भएका दुवै जनालाई उपचारका लागि जनमैत्री अस्पताल काठमाडौ भर्ना गरिएको महानगरपालिकाका वातावरण महाशाखाका प्रमुख रविनमान श्रेष्ठले बताउनुभयो । बारम्बार फोहोर फाल्न अवरोध गर्दै आएका स्थानीय बासिन्दाले महानगरपलिकाको अन्य गाडीहरुमा समेत तोडफोड गरेको जनाईएको छ ।
स्थानीय बासिन्दाले महानगरपालिकाको एउटा एम्बुलेन्स र ४/५ वटा गाडीमा समेत तोडफोड गरेको महानगरपालिकाले जनाएको छ । यस विषयमा स्थानीय बासिन्दासित वार्ता भईरहेको श्रेष्ठले बताउनुभयो ।